പാതി ചിമ്മിയ കണ്ണുകളുമായി..
ഉറക്കത്തിന്റെ ആഴങ്ങളിലേക്ക്
വഴുതി വീഴാതെ,
ഉറങ്ങുന്നയെന്‍
ചാരത്തിരുന്നവള്‍...
****
എന്റെ ഏങ്ങലുകളില്‍ ഞെട്ടിയുണര്‍ന്ന്...
വാരിയെടുത്തെനിക്ക് -
അമ്മിഞ്ഞപ്പാലിന്റെ
മധുരം പകര്‍ന്നവള്‍..
****
" കണക്കിനതീതമാം പത്ത് മാസങ്ങള്‍"
ഞാനെന്ന ഗര്‍ഭം താങ്ങി
ഒന്ന് ചെരിഞ്ഞു കിടക്കാന്‍ കഴിയാതെ
നിശയെ നിദ്രവിഹീനങ്ങളാക്കിയവള്‍-
പകലുകളില്‍ വേച്ചു വേച്ചു നടന്നവള്‍..
****
"എന്‍ ജന്മത്തിനായ് "
നീ പുല്‍കിയ വേദനകള്‍
നീ സഹിച്ച ദുരിതങ്ങള്‍
പകരമെന്തു നല്‍കും ഞാന്‍
പ്രാര്‍ത്ഥനകളല്ലാതെ
